今日介紹大家菇菌類素湯食譜
近年好多人對飲食都講求健康， 甚至有些人會選擇食素， 減少殺生之餘，又可減少排放二氧化碳，
對地球出分力， 但要做到全素未必每個人可習慣到， 但每個月可抽2日時間
初一、十五 黎個全素日都係一個好好開始 
而今日介紹呢款菇菌類全素湯， 味道好清甜， 飲完成個喉嚨好舒服， 絕對不比起肉湯遜色， 材料非常簡單，
只需要 猴頭菇、茶樹菇、姬松茸、合桃、
腰果、紅蘿蔔、粟米、栗子
唔需要加肉就可以煲到一煲清甜的全素湯
功效： 此湯有健腦、消炎、益腎、降血壓、降膽固醇、降血糖、改善肝功能、利尿,補虛扶正、助消化,利五臟等等
材料：猴頭菇、姬松茸、茶樹菇、合桃、腰果、陳皮
做法： 先將所有材料洗淨後浸水15分鐘， 猴頭菇要浸水5-6小時，之後渣幾次水，剪細舊，將所有材料放入煲內加12-14碗水煲2-2.5小時就完成。 想湯更清甜可另加紅蘿蔔，粟米，栗子一齊煲。